«Ўзбекконцерт» давлат муассасасида санъаткорларнинг тўй-маросимларда иштирок этиши масалаларига бағишланган йиғилиш бўлиб ўтди. «Ёшлар» телеканалининг «Давр» информацион дастури хабарига кўра, тадбирда дабдабали тўй-маросимларни чеклаш ишлари доирасида битта тўйда нечта хонанда қатнашиши мумкинлиги масаласи ҳам муҳокама қилинган.
Ўзбекистон халқ артисти Абдуҳошим Исмоиловнинг сўзларига кўра, ҳозир санъаткор тўйга бориб бой бўлиб кета олмайди. Айни вақтда, ҳозирги тўйлардаги уволнинг олдини олиш, меъёрни сақлаш борасидаги ташаббусларни ҳам тўғри, деб ҳисоблайди.
Ҳозир санъаткор тўйга бориб, бой бўлиб кетмайди. Кечирасиз-у, битта қўшиқни бир аранжировкачи 350—400 долларга сайқаллаб беради.Маълумот учун, йиғилишда Ўзбекистон халқ артисти Насиба Абдуллаева «битта тўйда фақат бир санъаткор қатнашсин» деган қоида амалга кирадиган бўлса, санъаткорлар ишсиз қолишидан огоҳлантирган. Ўзбекистон маданият вазири биринчи ўринбосари Озодбек Назарбеков эса санъаткорларнинг тўйлардаги иштироки қисқартириладиган бўлса, уларнинг муаллифлик ҳуқуқи ортидан даромад олиш имкониятларини ошириш кераклиги ҳақида гапирган.Бу ерда бошқа — тўй-маросимларни маълум бир меъёрда ўтказиш керак, деган масала бор. Тўғри, тўйда санъаткор кўпайиб ҳам кетмасин — бирровга учта-тўртта гуруҳ борсин, майли.
Лекин санъаткорлар бир-бири билан навбат талашиб, уришиб қоладиган бўлса, бу ҳам санъаткорга тўғри келмайдиган ҳолат.
Абдуҳошим Исмоилов, Ўзбекистон халқ артисти
Изоҳ (0)