Бухорода 25 май, жума куни анъанавий «Ипак ва зираворлар» фестивалига старт берилди. Бу ҳақда Бухоро вилояти ҳокимлиги матбуот хизмати хабар бермоқда.
Бухоронинг диққатга сазовор манзиллари бўйлаб уч кун давомида ўтказиладиган бу йилга фестиваль ҳисоб бўйича 17-сидир. Тадбирлар эрта тонгдан Арк қўрғонида бошланиб, сўнг Лабиҳовуз ансамблида давом этган.
Ҳокимликдан хабар беришларича, ансамбл атрофида 3 мингга яқин иштирокчи, жаҳоннинг 30 дан ортиқ мамлакатларидан ташриф буюрган сайёҳлар ва бошқа меҳмонлар тўпланган.
«Лойиҳа замирида халқимизнинг асрий урф-одатлари, миллий ҳунармандчилик ва амалий санъати, мусиқа, рақс, халқ оғзаки ижоди, бир сўз билан айтганда, бой маданий меросимизни сақлаш, уни қайта тиклаш, юртимиз ва хорижда кенг тарғиб этишдек олижаноб мақсад мужассам», — дейилади ҳокимлик ахборотида.
Изоҳ (0)