Қозоғистоннинг Олмаота шаҳрида 13 нафар Ўзбекистон фуқароси жиноий жавобгарликка тортилди. Бу ҳақда шаҳар Ички ишлар департаменти матбуот хизмати маълум қилди.
«Олдинроқ судлар томонидан Қозоғистон миграция қонунчилигини қўпол равишда бузган бу фуқароларга нисбатан мамлакатни ўз ихтиёрлари билан тарк этишлари ҳақида қарор чиқарилганди. Бироқ бу талаб бажарилмаган. Бу улар иккинчи бор ушланганидан сўнг маълум бўлди. Шаҳарда ўтказилган ‘Нолегал’ тезкор-профилактика тадбири давомида хорижий ишчи кучи кўп ишлатиладиган хусусий қурилиш объектлари, тамаддихоналар, ўқув юртлари максимал даражада текширилди», — деди шаҳар ИИД миграция хизмати бошқармаси бошлиғи Ойдин Белгибоев.
Полиция подполковнигига кўра, тадбирлар давомида 1186 нафар хорижлик фуқаро маъмурий жавобгарликка тортилган. Суд қарорига асосан 229 чет эллик Қозоғистондан чиқариб юборилган.
Изоҳ (0)