2018 йилнинг 30 май куни Ўзбекистонга Эроннинг Йўллар ва шаҳарсозлик вазири Аббос Охундий бошчилигидаги делегация келди, деб ёзади Ўзбекистон Ташқи ишлар вазирлиги матбуот хизмати.
Ташриф дастуридан ҳукуматда, ташқи савдо, қурилиш вазирликлари, «Ўзавтотранс» агентлиги, «Ўзбекистон темир йўллари» АЖ раҳбарлари билан учрашув ва музокаралар ўтказиш ўрин олган.
Делегация Самарқанд ва Бухорода ҳам бўлади.
Шу куннинг ўзида Тошкентга Эроннинг Қишлоқ хўжалиги вазири ўринбосари Али Акбар Меҳрфард бошчилигидаги делегация ҳам келди.
Эрон делегацияси агросаноат комплекси учун замонавий асбоб-ускуналар ва технологияларнинг Uzbekistan Agrotech Expo – 2018 халқаро ихтисослаштирилган кўргазма-савдоси ҳамда қишлоқ хўжалиги техникаси ва машиналарининг Uzbekistan Agromash Expo – 2018 халқаро ихтисослаштирилган кўргазмасида иштирок этади, Қишлоқ хўжалиги вазирлиги, Ўзбекистон Савдо-саноат палатасида учрашув ва музокаралар ўтказади, Ўзбекистон қишлоқ хўжалиги илмий-ишлаб чиқариш маркази, Тошкент вилоятидаги қатор хўжаликларда бўлади.
Изоҳ (0)