Туристларни ташиш учун мўлжалланган, сиғими 9 кишидан ортиқ бўлган янги транспортдан Республика йўл жамғармасига 2022 йил 1 январгача йиғим ундирилмайди. Бу ҳақда Ўзбекистон Президентининг 2018 йил 24 майдаги ПФ–5447-сон фармонида назарда тутилган, деб хабар беради Norma.
Илгари имтиёз қуйидаги тарзда берилар эди: йиғим ставкаси транспорт воситалари сотиб олиш қийматининг 3%и миқдорида этиб белгиланган эди. Бу ўша пайт амал қилган умумий ставкага мос келар, бироқ у гипотетик оширилганда туризм корхоналари устунликка эга бўларди (3% тўлашда давом этган бўлар эдилар).
Янги тартибга биноан туризм фаолияти субъектлари ўзлари сотиб олган, Ўзбекистонга олиб кирилаётган, туристларни ташиш учун мўлжалланган, сиғими 9 кишидан ортиқ бўлган янги транспорт воситаларини ИИВ органларида рўйхатдан ўтказишда 2022 йил 1 январгача Республика йўл жамғармасига умуман йиғим тўламайдилар.
Эслатиб ўтамиз, олиб кирилаётган 8 ва ундан ортиқ кишини (ҳайдовчи билан биргаликда) ташишга мўлжалланган туризм тоифасига оид транспорт воситалари худди шу давргача божхона тўловларини тўлашдан озод этилган, божхона расмийлаштируви учун йиғимлар бундан мустасно.
Ҳужжат Қонун ҳужжатлари маълумотлари миллий базасида эълон қилинган ва 25 майдан кучга кирди.
Изоҳ (0)