Namangan shahrida 58-an’anaviy “Gul bayrami”ga hozirlik ishlari yakuniga yetmoqda. Bu haqda “Daryo”ga shahar hokimligi axborot xizmati ma’lum qildi.
Gul bayrami Zahiriddin Muhammad Bobur nomli bog‘da o‘tkaziladi. Unda 100 dan ortiq havaskor hamda malakali gulchilar ishtirok etadi.
Bayram 27-may kuni soat 9:00 da turfa gullar bilan bezatilgan avtomobillar paradi bilan boshlanadi. Parad “Namangan” xalqaro aeroportidan Bobur nomli bog‘ hududigacha davom etadi.
Sayl shu kuni soat 10:00 da ochiq deb e’lon qilinadi. Unga tashrif buyurish uchun 50 dan ortiq davlatga taklifnoma taqdim etilgan.
Bayram 3-iyungacha davom etadi. Uning eng munosib ishtirokchilarini taqdirlash uchun qimmatbaho sovg‘alar ajratilgan.
Izoh (0)