«Xabar.uz» «Usa.one» нашри маълумотларига асосланиб, «Грин-кард» кимларга энг кўп берилишини таҳлил қилди.
Ҳар йили 100 мингдан ортиқ Диверсификация лотереяси қатнашчилари «Грин-кард» («Green Card»)ни ютиб олиш учун курашади. Бироқ улардан фақат ярми орзиқиб кутган визасини қўлга киритади, деб ёзилади хабарда.
Ҳар бир географик ҳудуд, ҳатто мамлакат учун АҚШ Давлат департаменти муайян миқдордаги «Грин-кард»ларни ажратади, бироқ бу умумий миқдорнинг 7 фоизидан ошмайди. Бу муайян мамлакатдан келувчи иммигрантлар сонига боғлиқ: сизнинг ватандошларингиз қанча кўп АҚШга кўчиб кетган бўлса, сизнинг «Грин-кард»да ютиш имкониятингиз шунча пасаяди.
Собиқ иттифоқда яшовчиларнинг Diversitu Immigrant Visa’ни ютиш имкониятлари йилдан йилга пасайиб боряпти, чунки қатнашчилар сони кўпаймоқда, қолаверса, Green Card—2019 охирги лотерея бўлиши мумкин деган гап-сўзлар йўқ эмас. (Президент Дональд Трамп DV-лотереяни бир неча марта ёпмоқчи бўлган).
Ҳозирча Green Card—2019 бўйича статистика йўқ. Аммо АҚШ Консуллик муносабатлари бюросининг Green Card—2018 бўйича маълумотлари эълон қилинган. Унда собиқ иттифоқ мамлакатлари учун қуйидаги миқдорда лотереялар ўйналган:
- Россия — 4 500;
- Ўзбекистон — 4 494;
- Украина — 4 478;
- Арманистон – 2844;
- Беларусь — 1 466;
- Тожикистон — 1 209;
- Грузия — 1 195;
- Қозоғистон — 1 020;
- Озарбайжон — 961;
- Туркманистон — 306;
- Литва — 257;
- Латвия — 91;
- Эстония — 61.
«Грин-кард»ни ютгандан кейин ҳақиқатан ҳам АҚШга бориш имкониятларини, умуман олганда, чамалаб кўриш қийинмас. Diversitu Immigrant Visa’ни ютиш босқичида, яъни АҚШда доимий яшаш имкониятини олгандан кейин, даъвогарларнинг қарийб ярми «ўйин»дан чиқиб кетади. Бу қуйидаги омиллар билан боғлиқ:
- ҳужжатларнинг нотўғри тўлдирилиши;
- консуллик йиғимларини тўлаш, тиббий кўрик ёки АҚШда биринчи ой яшаш учун керакли маблағни тўплай олмаслик;
- виза олиш учун ариза бериш муддатларининг бузилиши (жорий йил 30 сентябригача);
- интервью натижалари бўйича рад жавоби берилиши.
Изоҳ (0)