Ўзбекистонда 2017 — 2021 йилларда 42 та янги гидроэлектр станция қуриш ва ишлаб турган 32 та шундай станцияни модернизация қилиш режалаштирилган. Бу ҳақда «Халқ сўзи» хабар бермоқда.
Бунинг ҳисобига 2025 йилга қадар Ўзбекистонга экологик тоза энергия ишлаб чиқариш қувватларини 1,7 баробар ошириш кўзда тутилган.
«Ўзбекэнерго» акциядорлик жамияти бўлим бошлиғи Акмал Аббосовнинг айтишича, жорий йилда Канаданинг Sky Power компанияси билан ҳамкорликда Сурхондарё, Бухоро ва Самарқанд вилоятларида умумий қуввати 1000 мегаваттга тенг бўлган қуёш электр станцияларни қуриш, шунингдек, Германиянинг Siemens компанияси билан биргаликда қуввати 100 мегаваттни ташкил этадиган шамол электр станциясини ишга туширилади.
Шунингдек, Туркиянинг Iltekno компанияси ҳам муқобил энергия воситаларининг инновацион ускуналари билан Ўзбекистонга кириб келишини режа қилган. Компания электр энергиясини 40-50 фоизгача тежайдиган махсус ускуналарни таклиф қилмоқда.
Изоҳ (0)