24 майнинг эътиборга молик янгиликлари — «Дарё»нинг кечки дайжестида.
1. Трамп Ким Чен Ин билан учрашишдан бош тортди. АҚШ президенти 12 июнга мўлжалланган учрашув бекор қилинишини Шимолий Корея томонидан намойиш этилган «очиқ душманлик» билан тушунтирди.
2. Reuters: Ўзбекистон ҳозир ўзининг «бузилган» иқтисодиётини қайта қуриши зарур. Экспертларнинг қайд этишича, сўм деярли икки баробарга девальвация қилиниши натижасида кузатилган валюта либерализацияси кўплаб компанияларга таъсир кўрсатди.
3. Самарқанд вилоятида жорий йилнинг дастлабки уч ойда 91 киши ўз жонига қасд қилган. Айтишларича, инсон ўлими билан йўл-транспорт ҳодисалари сони ҳам ўтган йилнинг шу даврига нисбатан 10 тага кўпайган.
4. Ўзбекистонда ягона мактаб формаси июль ойидан сотила бошлайди. 2018 йилнинг март—май ойларида 10 хилдаги намунавий мактаб формалари тажриба-синовдан ўтказилди.
5. Ўзбекистонда «Автомобилсиз кун» акцияси ўтказилади. Хабар беришларича, Ўзбекистонда Йўл ҳаракати қоидалари енгил ва юк машиналарига кундузги юриш чироқларидан мажбурий фойдаланиш талаби билан тўлдирилди. Бироқ шаҳар ва қишлоқларда транспорт ҳаракатининг чекланган энг юқори тезлигини пасайтириш таклифи тасдиқланмади.
6. Пайариқдаги бу бино омборхона эмас. Унда 35 нафар ўқувчи таҳсил олади. Наманганнинг Поп туманидаги бир гуруҳ ўқувчилар эса «вагон-мактаб»да таҳсил олиши маълум бўлган эди. Қашқадарёдаги мактаблар ҳақида-ку гапирмаймиз.
7. Тошкентда пиёдалар йўлагида кекса кишига йўл бермаган 15 нафар ҳайдовчининг барчаси жаримага тортилди. Айтмоқчи, энди Ўзбекистонда видеорегистраторларга йўл қоидаси бузилишларининг ёзилиши рағбатлантирилади.
8. Тошкентда Central Park боғи очилади. Собиқ Мирзо Улуғбек номидаги боғ ўрнида. Бу боғни одамлар авваллари собиқ Телман номидаги парк деб таништирарди.
9. Ўзбекистонлик дастурчилар 15 дақиқа ичида банкоматни «бузиб» халқаро танловда 3-ўринни эгаллади. Бу сарлавҳага бирор изоҳнинг ўзи ортиқча!
Изоҳ (0)