Тошкент шаҳридаги Мирзо Улуғбек номидаги истироҳат боғи Central Park номини олади, деб хабар беради «Afisha.uz».
Ўтган йилнинг октябрь ойида боғ реконструкция учун ёпилган эди.
Мирзо Улуғбек номидаги истироҳат боғи 1934 йилда барпо этилган. Ундаги айрим бино ва аттракционлар эскирган ва шаҳарсозлик нормаларига тўғри келмай қолган эди. Шу сабабли боғда кенг кўламли таъмирлаш ишлари олиб борилди.
Қайд этилишича, боғ ҳудудида аҳоли сайр қилиши ва суҳбатлашиши учун осойишта ҳудудлар бўлади. Бу ерга қулай ўриндиқлар ва ёритгичлар ўрнатилади. Шунингдек, 100 ёшдан ошган кекса дарахтлар ҳам сақлаб қолинади.
Изоҳ (0)