Қозоғистоннинг Қарағанда вилояти ҳудудида уч кун ичида 500 нафардан ортиқ хорижлик маъмурий жавобгарликка тортилди, деб хабар беради «Казинформ».
«Уч кун давомида ўтказилган ‘Ноқонуний муҳожир—2018’ тадбири доирасида вилоят бўлинмалари томонидан 516 нафар чет эллик фуқаро маъмурий жавобгарликка тортилди», — дейилади Қарағанда вилояти Ички ишлар департаменти хабарида.
Коллектив хавфсизлик шартномасига аъзо давлатлар ҳудудида ноқонуний миграцияга қарши курашиш мақсадида «Ноқонуний муҳожир—2018» тезкор-профилактик ҳаракати ўтказилди.
«Мамлакат ҳудудидан чиқариб юбориш тўғрисидаги суд қарорига бўйсунмаган Ўзбекистон ва Россия фуқароларига нисбатан 2 та жиноят иши қўзғатилди», — деб таъкидланади хабарда.
Хорижлик ишчи кучини жалб қилиш қоидаларини бузган 21 нафар иш берувчи маъмурий жавобгарликка тортилди. 41 нафар хорижлик Қозоғистон ҳудудидан чиқариб юборилди.
Изоҳ (0)