Жанубий Кореядаги Инҳа университети томонидан 2018 йилнинг 23 июлидан 10 августига қадар ўтказиладиган ёзги мактабда Тошкент шаҳридаги Инҳа университетининг 10 нафар талабалари ҳам иштирок этади, деб хабар беради UzDaily.
Ўн нафар талаба Жанубий Кореядаги Инҳа университетининг ёзги мактабида бепул иштирок этиш ҳуқуқини қўлга киритган.
Талабалар 2018 йилнинг февраль—апрель ойларида бўлиб ўтган ички танлов натижаларига кўра танлаб олинган.
Ёзги мактаб вақтида талабалар «Корейс тили», «Шарқий Осиёнинг сиёсати ҳамда халқаро муносабатлар», «Корея ва унинг маданияти», «Кореяда иқтисодиёт ва бизнес», «Келажакнинг янги технологияси» ва шу каби курсларда иштирок этади.
Шунингдек, талабалар Жанубий Кореяданинг диққатга сазовар маданий ва сайёҳлик жойлари билан танишиш имконига эга бўлади.
Эслатиб ўтамиз, бу йил Тошкент шаҳридаги Инҳа университети талабалари Жанубий Кореядаги Инҳа университетида ўтадиган ёзги мактабда тўртинчи маротаба иштирок этади.
Изоҳ (0)