Қўқон шаҳар Давлат хизматлари маркази янги бинода иш бошлади. Марказда электрон навбат тизими жорий этилган бўлиб, кунига 500 нафарга яқин фуқаро ва тадбиркорга 50 дан ортиқ давлат хизматлари кўрсатилади. Бу ҳақда «Дарё» мухбири Азизжон Эрматов хабар берди.
Мижозларга қулайлик яратиш мақсадида марказда болалар майдончаси, кафе, она ва бола хонаси, банк шохобчаси, қулай ва юмшоқ ўриндиқлар ўрнатилган дам олиш хонаси, кутиш зали ташкил этилган.
«Марказда ўтган ой давомида фуқароларга 5700 дан ортиқ давлат хизматлари кўрсатилди. 1 июндан бошлаб синов тариқасида яна қўшимча 31 турдаги хизматлар жорий этилади. Хусусан, янги турдаги ҳайдовчилик гувоҳномаларини бериш йўлга қўйилади», – дейди Қўқон шаҳар Давлат хизматлари маркази раҳбари Саидфаррух Исломов.
Изоҳ (0)