Ўзбекистон Ахборот технологиялари ва коммуникацияларини ривожлантириш вазири Азим Аҳмадхўжаев АКТ соҳасидаги протекционизм (таниш-билишчилик, фақат айримларга ёрдам бериш)га чек қўймоқчи. Бу ҳақда у Тошкентдаги #MITCRОАDМAP2018 конференциясида айтиб ўтди, деб ёзади «Газета.uz».
Соҳанинг шаффофлик даражаси борасидаги миш-мишлар, шу жумладан, давлат харидлари ҳақида гапирар экан, у бозорга кириш истагида бўлган, аммо «тўсиқлар, протекционизм, бир қатор мамлакатларнинг муайян компанияларига ён босишлар» туфайли, буни қандай амалга оширишни билмаётган хорижий компания билан музокаралар ҳақида сўзлаб берди.
«Мен уларнинг бозорга кириши, бизнинг соҳамизда фаолият юритиши мумкин бўлган муайян компаниялар, шахслар тоифаси борлиги ҳақидаги тушунчанинг йўқолиши мен учун принципиал масала, деб жавоб бердим. Бунақаси бўлмайди. Бизнинг фаолиятимиз, шу жумладан инвестициялар максимал даражада шаффоф бўлади ва назорат қилинади. Бизга бу йўналишда Лойиҳа бошқаруви миллий агентлиги ёрдам беради», — деди у.
Вазир, шунингдек, «Ўзбектелеком» монополияси мавзусига тўхталди. Унинг сўзларига кўра, вазирлик тез орада бу соҳани либераллаштиришни режалаштирмоқда.
Изоҳ (0)