Шанхай ҳамкорлик ташкилотига аъзо мамлакатлар халқаро тадбирлар ва стратегик трансмиллий лойиҳалар, шу жумладан, Хитой ташаббуси билан ўтказиладиган «Бир макон—бир йўл» борасида хавфсизликни кучайтиришга келишиб олди. Бу ҳақда Хитой давлат кенгаши аъзоси Чжао Кэчжи маълум қилди, деб хабар беради «ТАСС».
«Томонлар трансмиллий стратегик лойиҳаларда, шунингдек, ‘Бир макон—бир йўл’ ташаббуси каби халқаро аҳамиятга эга табирлар хавфсизлигини кучайтиришни таъкидладилар. Хавфсизлик соҳасидаги ҳамкорлик даражасини ошириш зарур. Томонлар бирлашувга эришиш учун ахборот алмашиш ва қўшма операцияларни кучайтириш, шунингдек, тегишли идоралар орқали мувофиқлаштириш ва мулоқот даражасини ошириш зарурлигига келишиб олди», — дейди Чжао Кэчжи.
Бундан ташқари ташкилотда экстремизмга қарши кураш бўйича қўшма конвенция ва гиёҳванд моддалар контрабандасига қарши кураш бўйича ҳамкорлик тўғрисидаги ҳужжатларни мувофиқлаштириш жараёнларини жадаллаштириш ҳақида сўз юритилган.
Изоҳ (0)