Британиялик миллионер блогер Лорд Алеемни (ҳақиқий исми — Алим Иқбол) полиция қўлга олди. Бунга унинг машинаси бошқа машиналарни туртиб ўтгани сабаб бўлган, деб хабар беради The Birmingham Live.
Полициячиларнинг маълумотларига кўра, 23 ёшли You Tube «юлдузи» ўзининг Mercedes машинасида Бирмингем кўчасида турган автомобилларни туртиб юбориши натижасида юзага келган жанжал оқибатида жароҳат олган. Шикаст етган автомобиллар эгалари ҳайдовчини болға билан ургани айтилмоқда.
Воқеа жойига уч нафар қуролланган полиция офицери етиб келган: улар уч кишини ушлаган, бироқ бирортасини ҳибсга олмаган. Кейинроқ Лорд Алеем шифохонага йўл олган, унинг автомобилини эса полициячилар экспертиза учун олиб кетишган.
Нохуш ҳодисадан бир неча соат олдин Лорд Алеем ижтимоий тармоққа қора рангли Mercedes G-Class ёнида тушган суратини жойлаштирган эди. Унинг остига ёзилган изоҳга кўра, блогер BBC’га интервью бериш учун кетаётган бўлган.
Изоҳ (0)