АҚШ президенти Дональд Трамп КХДР етакчиси Ким Чен Ин билан июнга режалаштирилган саммитдан воз кечиши мумкин. Бу ҳақда Америка вице-президенти Майкл Пенс Шимолий Корея томони Жанубий Корея билан мулоқотни тўхтатиб қўйиш ҳақида таҳдид қилганидан кейин айтиб ўтди, деб ёзади «Газета.ru».
«Ким Чен Ин Дональд Трамп билан ўйнаша оламан, деб ўйлаётган бўлса, катта хато қилади», — деди Пенс.
У президент ҳеч қандай шубҳаларсиз, Шимолий Корея етакчиси билан учрашувдан воз кечиш ҳуқуқини ўзида сақлаб қолишини таъкидлади.
Аввалроқ АҚШ президенти Дональд Трамп Шимолий Корея етакчиси Ким Чен Ин билан 12 июнга режалаштирилган саммит борасида иккиланаётгани хабар берилган эди.
Изоҳ (0)