Туркия махсус хизматлари президент Ражаб Тоййиб Эрдўғоннинг Босния ва Герцеговинага сафари давомида суиқасд уюштирилиши мумкинлигидан хабар топди. Бу ҳақда TRT Haber хабар берди.
Ғарб разведка агентликлари Туркиядаги ҳамкасбларига президентнинг Болқонга ташрифи давомида бир гуруҳ турк фуқаролари томонидан суиқасд уюштирилиши мумкинлигини маълум қилган. Бироқ суиқасднинг вақти, куни, жойи ва қандай кўринишда амалга оширилиши хабар қилинмаган.
2017 йилнинг июлида турк махсус хизматлари немис полициясини Гамбургдаги G20 саммити давомида Эрдўғонга суиқасд уюштирилиши мумкинлиги ҳақида огоҳлантирган. Хусусан, саммитдан бир кун аввал президентга немис полицияси кийимидаги кишилар ҳужум қилиши мумкинлиги ҳақида Берлинга расмий хабар юборилган. Die Welt газетаси маълумотларига қараганда, немис махсус хизматлари қўшимча чоралар кўрмаган, турк президентига суиқасд уюштирилишининг эҳтимоли кам деб топилган.
2017 йилнинг мартида Эрдўғон тарафдорлари суиқасд уюштиришда айбланганларга қарата тухум отган.
Изоҳ (0)