ИИВ Патруль-пост хизмати ва жамоат тартибини сақлаш бош бошқармаси карантин тадбирларини таъминлаш бўлими Давлат ветеринария қўмитаси ходимлари билан ҳамкорликда озиқ-овқат хавфсизлигини таъминлаш мақсадида махсус рейдлар ўтказиб келмоқда. Бу ҳақда ИИВ жамоатчилик ва ОАВ билан алоқалар бошқармаси хабар берди.
Ушбу бўлим ва унинг қуйи тизимлари томонидан республика миқёсида йилнинг ўтган даври мобайнида 9034 та махсус назорат тадбирлари ташкил этилди. Улардан 5115 таси бозорлар, 811 таси мол бозорлари ва 3108 таси бошқа жойларда ўтказилди. 4211 та ҳуқуқбузарлар аниқланиб, уларга нисбатан жами 248 миллион сўмлик жарималар қўлланилди.
Истеъмолга яроқсизлиги учун 17177 килограмм гўшт маҳсулотлари, 25183 килограмм сут ва сут маҳсулотлари, 87404 килограмм бошқа турдаги маҳсулотлар тўхтатиб қолинди.
Фаолият юритаётган 19 та карантин постларида шу кунга қадар 13584 та транспорт воситаси текширилди. 930 та маъмурий ҳуқуқбузарлик ҳолати аниқланиб, уларга нисбатан 43,7 миллион сўм миқдоридаги жарималар белгиланди.
Изоҳ (0)