IIV Patrul-post xizmati va jamoat tartibini saqlash bosh boshqarmasi karantin tadbirlarini ta’minlash bo‘limi Davlat veterinariya qo‘mitasi xodimlari bilan hamkorlikda oziq-ovqat xavfsizligini ta’minlash maqsadida maxsus reydlar o‘tkazib kelmoqda. Bu haqda IIV jamoatchilik va OAV bilan aloqalar boshqarmasi xabar berdi.
Ushbu bo‘lim va uning quyi tizimlari tomonidan respublika miqyosida yilning o‘tgan davri mobaynida 9034 ta maxsus nazorat tadbirlari tashkil etildi. Ulardan 5115 tasi bozorlar, 811 tasi mol bozorlari va 3108 tasi boshqa joylarda o‘tkazildi. 4211 ta huquqbuzarlar aniqlanib, ularga nisbatan jami 248 million so‘mlik jarimalar qo‘llanildi.
Iste’molga yaroqsizligi uchun 17177 kilogramm go‘sht mahsulotlari, 25183 kilogramm sut va sut mahsulotlari, 87404 kilogramm boshqa turdagi mahsulotlar to‘xtatib qolindi.
Faoliyat yuritayotgan 19 ta karantin postlarida shu kunga qadar 13584 ta transport vositasi tekshirildi. 930 ta ma’muriy huquqbuzarlik holati aniqlanib, ularga nisbatan 43,7 million so‘m miqdoridagi jarimalar belgilandi.
Izoh (0)