Жиноят ишлари бўйича Шароф Рашидов туман судида фуқароларга тегишли эшакларни ўғирлаб, терисини сотиш билан шуғулланган 5 нафар йигит устидан суд ҳукми ўқилди. Бу ҳақда «Xabar.uz» маълум қилди.
Тергов жараёнларида туман ҳудудида истиқомат қилувчи 1986 йилда туғилган Д.Р., 1998 йилда туғилган Ш.Б., 1980 йилда туғилган Ш.Н. ҳамда вояга етмаган, 2002 йилда туғилган А.К. ва Л.О. йигирмага яқин эшакни аҳоли хонадонларидан ўғирлаб, махсус жойда сўйиб, терисининг донасини фуқаро Б.Мга 150 минг сўмдан сотгани аниқланган.
Суд ҳукмига кўра, жиноят кодексининг бир қатор моддалари билан айбдор деб топилган фуқароларга қонун доирасида жазо берилди. Жиноят кодексининг тегишли моддаларига биноан судланувчи Д.Рга 4 йил, Ш.Б. ва Ш.Нга 3,6 муддатга озодликни чеклаш жазоси берилди.
Вояга етмаган А.К ҳамда Л.О.га эса жиноят кодексининг 57-моддаси қўлланиб, бир йил озодликни чеклаш жазоси тайинланди.
Изоҳ (0)