Голливуд актёри 68 ёшли Ричард Гир 35 ёшли испаниялик журналист ва тадбиркор Alexaндра Сильвега уйланди, деб хабар беради «Корреспондент.net».
5 май куни бўлиб ўтган тўй будда қонунлари бўйича ўтказилган. 12 май куни эса келин-куёвнинг Нью-Йорк ташқарисидаги диний тўй маросими бўлиб ўтган.
«Мен коинотдаги энг бахтли инсонман. Бошқача бўлиши мумкинми? Alexaндра чиройли, ақлли, таъсирчан ва қувноқ», — дейди актёр.
Актёрнинг рафиқаси ҳам турмуш ўртоғига бўлган севгисини изҳор этган:
«Қалбим севги билан тўла. У ҳар куни тонгда мени нима бахтли қилишини сўрайди. Севган инсонинг сенга атаб ҳар куни қўшиқ куйлашидан ҳам романтик ҳолат бўладими?».
Ричард Гир учун бу никоҳ учинчи, Alexaндра учун эса иккинчи бўлди.
Актёр бунга қадар модель Синди Кроуфорд ва актриса Кэри Лоуэлл билан турмуш қуриб, ажрашган.
Изоҳ (0)