Туркманистон президенти Гурбангули Бердимуҳамедов халқаро «Амул-Хазар 2018» автораллисининг мамлакат саралаш босқичида иштирок этди. Бу ҳақда «Туркменистан сегодня» давлат агентлиги хабар берди.
Саралаш босқичида Ички ишлар вазирлиги автоспорт маркази ва автоспорт федерацияси жамоалари қатнашди.
Мусобақалар Қорақум чўлида бўлиб ўтди.
Президент Гурбангули Бердимуҳамедов спорт машиналаридан бирини бошқариб пойгани очиб берди. Берилган масофани 10 дақиқа 10,45 сонияда босиб ўтди. Бердимуҳамедовнинг ёшлигидан автоспорт билан шуғуллангани маълум.
16–17 май кунлари Москвада француз пойгачиси, «Формула-1» йўналиши бўйича дунё биринчилиги қатнашчиси Жан-Луи Шлессер томонидан Africa Eco Race 2019 намойиши доирасида «Амул-Хазар 2018» лойиҳасининг тақдимоти ўтказилади.
Мусобақа сўнгида 10 та жамоага «Амул-Хазар 2018» халқаро раллисида иштирок этиш ҳуқуқи берилди.
Изоҳ (0)