Эртага тонгда Фазлиддин Ғоибназаров проф боксдаги 4-жангини ўтказади

Эртага, 13 май санасида Рио Олимпиадаси чемпиони Фазлиддин Ғоибназаров профессионал боксдаги тўртинчи жангини ўтказади, деб хабар беради «Оламспорт».

Ғоибназаровга ўзининг профессионал боксдаги 4-жангида мексикалик Хесус Сильвейра рақиблик қилади. Жанг саккиз раунддан иборат бўлади.

Маълумот учун Фазлиддин профессионал боксда шу кунгача 3 та жанг ўтказган ва уларнинг барчасида ғалаба қозона олган (1 таси нокаут билан).

Унинг рақиби Хесус Сильвейра эса 15 та жанг ўтказган ва шуларнинг 8 тасида ғалаба қозонган (3 таси нокаут билан). 5 та жангда мағлубиятга учраган ва яна иккита тўқнашувда дуранг қайд этган.

Эслатиб ўтамиз, жанг (Тошкент вақти билан 13 май куни тонгда) Нью-Йоркдаги машҳур Madison Square Garden’да бўлиб ўтади.