Россияда Ravon автомобиллари етишмовчилиги юзага келди. Дилерлик марказларида танловлар минимумга тушиб кетди, айрим моделларни эса умуман топишнинг иложи бўлмаяпти. «РГ» нима сабабдан бу каби вазият кузатилаётганига ойдинлик киритди.
«Ravon автомобиллари аксарият дилерлик марказларидан йўқолиб қолди», — дейди дилерлик билан шуғулланувчи манбалардан бири. Унинг айтишича, бу нархларнинг қайта кўриб чиқилиши билан боғлиқ экан. «Автоконцерн раҳбарияти Россияга экспорт қилувчи машиналар нархини кўтаришни талаб қилди. Уларнинг нархи Ўзбекистонда сотилаётган автомобиллардан арзон бўлмаслиги керак экан», — дейди суҳбатдош.
«Нархларни қайта кўриб чиқиш Россия ва Ўзбекистон миллий валюталари курсларининг ўзгариши ва Россияда қайта ишлаш нархларининг кўтарилиши билан боғлиқ. Бизнес моделдаги ўзгариш ребрендинг ва янгиланган моделлар линиясини ишга туширди ва Ravon брендининг ривожланишини таъминлади, Россия бозорида янги маҳсулотларни ишлаб чиқариш бўйича лойиҳалар ва дилерлик тармоғини кенгайтирди», — дейилади Ravon Motors Rus GM Uzbekistan’нинг расмий жавобида.
«Россияга автомобиллар етказиб беришни 2018 йилнинг май ойи охирига қадар тўлиқ ҳажмда қайта тиклаш режалаштирилган. Шунингдек, биз компаниямизнинг режалари ва қарашлари ҳақидаги аввалги баёнотимизни тасдиқлаймиз ҳамда Россияга янги ва янгиланган моделларни, шунингдек, тегишли хизматлар пакетларини тайёрлашни давом эттирамиз. Аввалроқ таъкидланганидек, Ravon Москвада бўлиб ўтадиган халқаро автосалонининг иштирокчисига айланади», — дейилади компания хабарида.
Изоҳ (0)