Бутун дунёдаги биткоинларнинг етти фоизи Швейцария тоғларида жойлашган ҳарбий бункердаги Харо компаниясининг серверларида сақланади. Ушбу криптовалюталар қиймати 10 миллиард долларга баҳоланган, деб хабар беради Bloomberg.
«Бу шуни англатадики, Харони депозитидаги маблағлар атиги тўрт йил ичида АҚШдаги 5670 та банкнинг 98 фоизида сақланувчи маблағлардан ошиб кетди»,— деб ёзади Bloomberg.
Бункер биткоинлар сақланувчи совуқ омборни эслатади — у ерда криптовалюталар оффлайн режимида сақланади, бу эса уларнинг ўғирланиш эҳтимоллигини камайтиради. Харо мижозлари ўзларига тегишли биткоинларни ушбу омбордан олишлари учун икки кун кетади — бу вақт давомида компания мижоз шахсини ва унинг криптовалютани олиш борасидаги сўровини текшириб чиқади. Шундан сўнг Харо бункернинг турли қисмларида жойлашган хусусий калитлари орқали транзакцияларга имзо чекади.
Изоҳ (0)