Тадқиқотлар чоғида британиялик олимлар остеопорозни даволаш учун ишлатиладиган доридан соч тушиши олдини олувчи дори сифатида фойдаланиш мумкинлигини аниқлади. Илмий иш PLOS Biology журналида чоп этилди, деб ёзади «Nur.kz».
Маълум бўлишича, доридаги таркибий қисмлардан бири соч ўсишини секинлаштириб калликка олиб келувчи оқсилга таъсир қилади.
Тадқиқот раҳбари — Манчестер университети олими Нейтен Хокшоу дори соч тўкилишидан азоб чекувчи кишиларга ёрдам бера олишини тасдиқлади. Аммо унинг самарасини исботлаш ва эҳтимолий қўшимча таъсирларини аниқлаш учун кўнгиллилар иштирокида клиник синовлар ўтказиш керак.
Айни вақтда соч тўкилишини даволовчи дори бор-йўғи иккита. Миноксидилдан аёллар ҳам, эркаклар ҳам фойдаланиши мумкин, финастерид фақат эркаклар учун мўлжалланган. Аммо иккала дори ҳам доим ҳам самара беравермайди ва бир қатор қўшимча таъсирларга эга.
Изоҳ (0)