Туркия футбол федерацияси қошидаги интизом қўмитаси томонидан «Истанбул» жамоаси ярим ҳимоячиси Арда Туран мамлакат чемпионати 32-тур доирасида «Сивасспор» га қарши учрашувда (1:1) ҳакамга қилган ножоиз ҳаракатлари учун жиддий жазоланди, деб ёзади «Sports.ru».
31 ёшли туркиялик футболчи учрашувнинг 70-дақиқасида майдонга тушганди. У қўшимча дақиқаларда қанот ҳакамини туртгани ва бош ҳакамга билдирган эътирози учун майдондан четлатилган эди.
Футболчи лайнсменни туртгани учун 10 та ўйинга ва ҳакамга таҳдид қилгани учун эса 6 та ўйинга дисквалификация қилинди. Шунингдек, Арда яна 7,7 минг евро жарима ҳам тўлайди.
Шу тариқа Арда Туран жорий мавсум сўнгги 2 та тур ва янги мавсумнинг биринчи даврасидаги барча ўйинларни ўтказиб юборади.
Изоҳ (0)