Домодедовода ноқонуний миграцияни ташкил қилган уч нафар келиб чиқиши Марказий Осиё давлатларидан бўлган шахслар қўлга олинди, деб хабар беради Sputnik.
Хабарда айтилишича, қонунбузарлар 23—37 ёшдаги фуқаролар яъни ноқонуний муҳожирларга пул эвазига сохта ҳужжатлар тайёрлаб, миграцион рўйхатдан ўтишга ёрдам бериб келган.
«Тезкор ходимлар томонидан ўтказилган шахсий ва яшаш жойини тинтув қилиш натижасида Россия ҳудудида хорижий фуқароларини қонуний асосда бўлишини таъминлаш учун зарур бўлган сохта ҳужжатлар, кўп миқдорда қалбаки муҳрлар, штамплар ва ноқонуний фаолиятни тасдиқловчи бошқа ҳужжатлар борлиги аниқланди. Шунингдек, ноқонуний фаолият кўрсатиш натижасида олинган пул маблағлар аниқланди", — деб таъкидлади Москва вилояти ИИВ ББ матбуот хизмати бошлиғи Татьяна Петрова.
Олиб қўйилган ашёлар экспертизага юборилди. Экспертиза натижаларига кўра процессуал қарор қабул қилинади. Ҳозирги вақтда қонунбузарлар ҳибсга олинган ва Россия Жиноят кодексининг 322-моддаси 1-қисми ноқонуний миграцияни ташкил этиш бўйича жиноий иш қўзғатилди. Уларга 7 йилгача озодликдан маҳрум этиш жазоси қўлланилиши мумкин.
Изоҳ (0)