«Россия 24» телеканали «Кортеж» лойиҳасининг микроавтобусини намойиш қилди. У акс этган кадрлар Россия саноат ва савдо вазири вазифасини бажарувчи Денис Мантуров билан интервью чоғида пайдо бўлди, деб ёзади «Мотор».
Минивэннинг ташқи кўриниши «Роспатент» базасида рўйхатга олинган машинаникидан сезиларли даражада фарқ қилади: олд қисми бутунлай бошқача яратилган. Умумий пропорциялари, суриладиган орқа эшиклари ўз ўрнида қолган.
Микроавтобуснинг давлат рақамига қараб, машинанинг асосий хусусиятларини билиб олиш мумкин. «Автокод» базасига кўра, у C тоифасига киради, яъни умумий оғирлиги 3,5 тоннадан ортади, капоти остида эса 600 от кучига тенг 4.4 V8 мотори бор.
Эслатиб ўтамиз, Владимир Путин 7 май куни бўлиб ўтган инаугурация маросими давомида илк бор «Кортеж» лойиҳаси доирасида яратилган янги маҳаллий лимузиндан фойдаланди.
Изоҳ (0)