Google раҳбари Сундар Пичаи Калифорнияда бўлиб ўтган анжуманда Google Duplex номли функцияни тақдим этди, деб хабар беради Meduza.
Компания ушбу функцияни ўзининг овозли ёрдамчисига ўрнатади. Google Duplex ёрдамида фойдаланувчи виртуал ассистент орқали ресторандан жой банд қилишни ёки сартарош қабулига ёзилиб қўйишни сўраши мумкин. Ёрдамчи эса уларга қўнғироқ қилиб, барча ишни ўзи амалга оширади. Пичаи тақдим этган суҳбатга қулоқ солинадиган бўлса, одамлар ўзи билан робот гаплашаётганини сезмайди ҳам. Duplex’нинг синов версияси «ақлли» ёрдамчиларда 2018 йилнинг ёзидан бошлаб ишга тушади.
Изоҳ (0)