Тошкент шаҳар ҳокимлиги шаҳардаги дарахтларни кесиб ташлаётган бошқарма ва ташкилотларни огоҳлантирди.
«Бир неча ўн йиллик соғлом ва шаҳримизни чиройига чирой бағишлаб турган дарахтларнинг аёвсиз кесиб ташланаётганлигига кескин барҳам бериш мақсадида, масъул бошқарма ва ташкилотлар Тошкент шаҳар ҳокимлиги томонидан қаттиқ огоҳлантирилади. Жавобгарликкача тортиш чоралари кўрилади. Шу муносабат билан Тошкент шаҳар ҳокими пойтахтимиз аҳолисига ушбу тартибсизликларга уч кун ичида барҳам берилиши ва бундай ноқонуний ҳаракатларга чек қўйилишини шахсан ўзи назоратга олишини билдирди», — дейилади хабарда.
Бирор жойда дарахт кесилаётганда бефарқ бўлмаган шаҳар аҳолиси бунинг олдини олиш мақсадида Ўзбекистон Республикаси Экология ва атроф-муҳитни муҳофаза қилиш давлат қўмитаси ишонч телефонига 277-75-43 ёки Ички ишлар идораларига 233-71-47, 233-49-46 қўнғироқ қилишлари сўралади.
«Бу билан сиз халқимизга тегишли бўлган бойликни талон-тарож қилинишини олдини олган бўласиз! Ҳурматли ҳамшаҳарлар, Тошкент шаҳар ҳокимлиги сизларни ушбу ишларда фаол бўлишингизни сўрайди», — дейилади хабарда.
Изоҳ (0)