Бугун, 6 май тонгида Осиё чемпиони, Жаҳон чемпионати совриндори Баҳодир Жалолов профессионал боксдаги илк жангини ўтказиши ҳақида хабар берилган эди.
АҚШдаги Foxwoods Resort Casino аренасида ўтган жангда ўзбекистонлик боксчи мексикалик Уго Трухилога қарши рингга кўтарилди. Бўй жиҳатдан сезиларли устунликка эга Баҳодир рақибини ўзига яқинлаштирмаган ҳолда, узоқ масофадан берган кучли зарбалари сабаб 3-раундда рақибини нокаутга учратди.
Шу тариқа Баҳодир проф боксдаги дебютини нокаутли ғалаба билан бошлади. Мексикалик боксчи эса ўзининг илк мағлубиятини қабул қилиб олди. Бунгача у 5 та жанг ўтказиб, уларнинг 4 тасида ғалаба қозонган (2 таси нокаут билан) ва 1 та дуранг қайд этганди.
Изоҳ (0)