28 май куни Тошкентда Ўзбекистон миллий терма жамоаси Камерун билан ўйнайди

Футбол бўйича Ўзбекистон миллий терма жамоаси жорий йилнинг 28 май санасида Тошкентда Камерун билан ўртоқлик ўйини ўтказади. Бу ҳақда Journal du Cameroun нашри хабар берди.

Қайд этилишича, камерунликлар 25 май куни Парижда Буркина-Фасо билан, уч кун ўтгач эса Тошкентда Ўзбекистон терма жамоаси билан баҳс олиб боради.

Маълумот учун Камерун терма жамоаси Ўзбекистон каби Россияда бўлиб ўтадиган Жаҳон Чемпионатида иштирок этмайди ва бу ўртоқлик баҳслари орқали Африка миллатлари кубоги-2019 мусобақасининг сентябрь ойида бошланадиган саралаш босқичига тайёргарлик кўришни мақсад қилган.

Айни дамда Африка қитъаси жамоаси худди Ўзбекистон каби ўз бош мураббийга эга эмас ва жамоани Александре Белинга вақтинчалик бошқармоқда.