Қашқадарё вилояти Муборак туманида яшовчи Қоровулбозор тумани Жарқоқ МФЙ ҳудудидаги «Фахриддин–Тўра» фермер хўжалигида чўпон бўлиб ишлайдиган 1978 йилда туғилган И.Бнинг Жарқоқ ҚВПга вафот этган ҳолдаги жасади олиб келинганлиги тўғрисидаги хабарга кўра воқеа жойига тезкор тергов гуруҳи юборилади, деб хабар беради Бухоро вилояти ИИБ матбуот хизмати.
Марҳумнинг ўлим сабабларини аниқлаш мақсадида олиб борилган суриштирув ишлари давомида Самарқанд вилояти Нуробод туманида яшовчи 1980 йилда туғилган М.Н ва марҳум И.Б ўрталарида келиб чиққан жанжал оқибатида М.Н «ИЖ» русумли мотитцикл устида ўтирган И.Бнинг бош қисмига қўли билан уриб, йиқилгандан сўнг яна оёғи билан дўппослаганлиги натижасида оғир тан жароҳати олган И.Б вафот этганлиги аниқланган.
Ушбу ҳолат юзасидан Ўзбекистон Республикаси Жиноят Кодексининг 104-моддаси (қасддан баданга оғир шикаст етказиш) 3-қисми «д» банди билан жиноят иши қўзғатилган.
Изоҳ (0)