Вазирлар Маҳкамасининг 2018 йил 26 апрелдаги 308-сон қарори билан Хоразм вилоятида қўшимча равишда яна иккита кичик саноат зонаси ташкил этилди, деб ёзади Norma.
1 – Хива туманининг «Заунгур» посёлкасида, собиқ «Махсус қурилиш механизация» УК мулкий комплекси негизида (3,2 гектар).
2 – Шовот туманининг Бешмарган қишлоғида, консерва заводи – собиқ «Махсусинтерсавдо» МЧЖнинг бўш ётган бино ва иншоотлари негизида (3,7 гектар).
Маълумот учун, 2017 йил декабрдан бошлаб тадбиркорлик субъектларини танлаб олиш ва КСЗда жойлаштириш танлов комиссияси функцияларини минтақавий Маъмурий кенгаш амалга оширмоқда. У фаолият юритмаётган давлат мулки объектларини нол даражали харид қийматида, инвестиция мажбуриятларини қабул қиладиган КСЗ иштирокчиларига сотиш тўғрисидаги қарорларни ҳам қабул қилмоқда.
Эслатиб ўтамиз, февраль ойида Хоразм вилоятида 5 та кичик саноат зонаси ташкил этилган эди. Улар ҳудудида жойлашган давлат кўчмас мулки муайян шартларда кейинчалик унга бўлган мулк ҳуқуқини ўтказган ҳолда тадбиркорларга нол даражали ставкада 5 йилга ижарага берилади.
Изоҳ (0)