Тошкентдаги International Hotel Tashkent меҳмонхонасида бўлиб ўтган USENET 2018 халқаро digital анжумани бу йил спикерларнинг чиқишлари сони бўйича ўз тарихида ҳозирча мутлақ рекорд ўрнатиб турибди.
USENET – бу йил ҳам электрон тижорат, реклама технологиялари, медианинг ривожланиши, ижтимоий тармоқлар тараққиёти омилларини муҳокама қиладиган, кейслар билан бўлишадиган ҳамда саволларга атрофлича жавоб олинадиган ҳудудга айланди. Бу йили Россия, Қозоғистон ва маҳаллий экспертлар, соҳанинг айни вақтдаги етакчилари 30 дан ортиқ маъруза ҳамда тақдимотларни ҳавола этишди. Блокчейн мавзусидаги чиқишлар анжуманни қолдирмасдан кузатиб борадиганлар учун бу йилги кашфиётга айланди, дейиш мумкин.
«Дарё» мухбири ушбу чиқишларда айтилган эътиборга молик фикрларни ҳавола қилади. Марҳамат:
Виктор Елисеев, Select Communication Group. (Мавзуси: Хайп бошқаруви. Инфосабаб – digital ривожлантиришнинг воситаси сифатида)
Бугун саҳифангиз ёки сайтингизда бирор мавзуни хайп (инглиз тилидаги hype сўзидан олинган, бирор янгиликка доир шов-шув, васваса, маълумот тарқатиш тенденцияси) қилишдан аввал ўз ҳудудингиз ҳамда унинг аҳолисининг, яъни мақсадли аудиториянгизнинг қабул қилишидан келиб чиқинг. Хуллас, ҳар бир хайпнинг ортида мақсад ва шуни амалга оширгандан кейин нима бўлиши ҳақидаги прогнозни олдиндан қилиш керак.Виктор ўз нутқида ижтимоий тармоқлардаги live трансляциялар, 360 даражали суратлар, news jacking (бошқа хабардан ўзингизни тарғиб қилишда фойдаланиш), Instagram ва Facebook’даги Stories’ларни долзарб кейслар сифатида тавсия этди.
Тимур Абдулин, «Repost.uz». (Мавзуси: Нега маҳаллий сайтларнинг ўзбек тилидаги талқинини таржимонлар эмас, балки журналистлар тайёрлаши керак?)
Албатта, маҳаллий сайтларимизнинг ўзбек тилидаги талқинини нега таржимонлар эмас, балки журналистлар тайёрлаши лозимлигини тахмин қилаётган бўлсангиз керак. Масалан, шахсий тажрибамиздан келиб чиқадиган бўлсам, биз «Repost.uz» сайтининг аввалги талқинида таржимонлар хизматидан фойдаланар эдик. Аммо кейинроқ бу ўзбек тилида сўзлашувчи аудитория учун тушунарсиз ва талабга жавоб бермайдиган контентга айланди. Ҳозирда биз журналистлар билан бирга ишламоқдамиз. Энди хабарларни рус тилидан таржима қилиш эмас, балки муаллифлик асосида бўлишини таъминлаяпмиз.Никита Могутин, Mash. (Мавзуси: Россияда аксарият етакчи ОАВларни машҳурликда қувиб ўтган мустақил медиа-агентликни ижтимоий тармоқда қандай яратдик?)
Бугунги кунда ижтимоий тармоқлардаги изоҳлар у ерда ўз контентини юритаётган ОАВ учун энг муҳим маълумот саналади. Яъни, изоҳлар – бу сиз бераётган маълумотга инсонларнинг реакцияси, исталган турдаги фаоллиги, қамрови. Биз Mash агентлигини тузишда айнан инсонларнинг ҳиссиётлари, улар бизга бераётган изоҳлари, фаоллиги замирида ётган жавобларига суяндик. Ўзимиз эшитишни истаган қизиқарли хабарларни уларга етказиб бердик. Қисқа қилиб айтганда ҳиссиётлар журналистикасига урғу бердик. Улар билан уларнинг тилида гаплашдик. Агар ўқувчининг ҳиссиётлари билан ҳисоблашсангиз, аудиториянгиз сиз билан ҳисоблашади. Агар сиз шунчаки статистика ёки топда туриш учунгина курашсангиз, аудиториянгиз ҳам сизни лентада шунчаки қараб ўтиб кетаверади. Уларнинг истакларига, йўқ, ўзингизнинг истакларингизга қулоқ туцангиз, керакли мақсадга эришасиз. Биз Mash’ни айнан шу принцип бўйича оёққа турғиздик.Хулоса қилиб айтганда, бу йилги USENET конференцияси ҳам етарлича аудиторияни тўплай олди. Бир вақтнинг ўзида 2 та сексияда олиб борилган тақдимотлар ҳар бир ташриф буюрувчига ўзига ёққан мавзуни тинглаш имкониятини берди. Муҳими, эндиликда айтилган тавсияларга амал қилиш, кейсларни қўллаш ҳамда бирор янгилликка қўл уриш.Уникал бўлишга интилинг. Хато ёзишдан қўрқманг, маълумотларни уникал тарзда, бошқаларга ўхшамайдиган услубда беринг. Mash’да ҳам шу мақсадда эксклюзив хабарлар берадиган бўлим туздик. 12—14 одамдан иборат бўлим ўз маълумотларини ишлаш, одамлар билан суҳбатлашиш, жойларга бориш ва шу кабиларни амалга ошириш орқали уникал ахборот яратиш билан шуғулланишади. Бундан ташқари «Repost.uz» муҳаррири айтган мобил мухбирлик бўлими бизда ҳам бор. Биз уларга айнан қандай кадрлар кераклигини тушунтирамиз, улар бизга юборишади. Аудитория сиз истаган контентни бериши учун оддий одамлардан иборат ўша аудитория содда ва тушунарли тилда истагингизни етказа олишингиз лозим».
Изоҳ (0)