Россиянинг «АвтоВАЗ» компанияси жорий йил охирига қадар Ўзбекистонда 4 минг нусха автомобиль сотиш ниятида, деб хабар берди Sputnik.
«АвтоВАЗ»нинг экпорт бўйича менежери Илья Семакиннинг сўзларига қараганда, Ўзбекистон бозори хорижлик ишлаб чиқарувчилар учун анча ёпиқ, бу ерда асосий позицияни GM эгаллайди. Шунга қарамай Россия компанияси ўзини «баланд овозда» маълум қилишга интилмоқда. Бир-икки йилдан сўнг «АвтоВАЗ» моделларини Ўзбекистон кўчаларида тез-тез учратиш мумкин бўлади.
«Ўтган йиллар давомида биз йилига 100 дона машина сотганмиз. 2017 йилда ўсиш кузатилди ва 1000 нусхага яқин автомобиль сотилди. Жорий йил охирига қадар 3—4 минг автомобиль сотишни режалаштирмоқдамиз. Сотиладиган моделларнинг асосий қисмини «Lada Granta», 4х4 ва бошқалар ташкил этади», — дейди Илья Семакин.
Россия автомобиль ишлаб чиқарувчиси кейинчалик бутун Ўзбекистон бўйлаб ўзининг хусусий дилерлик тармоғини яратади. Ҳозирги кунлар уларнинг сони атига тўртта — икктаси Тошкентда, Самарқанд ва Қорақалпоғистонда эса биттадан. 2018 йил охирига қадар яна тўртта автосалон очиш режалаштирилган.
Изоҳ (0)