Chevrolet Orlando автомобилини сотиб олиш борасида юзага келаётган маълумотларга кўра, GM Uzbekistan мазкур моделни йиғишни 2018 йилнинг 16 апрелидан бошлаб тўхтатган. Бу ҳақда Жамоатчилик билан ишлаш хизмати хабар берди.
Маълум қилинишича, ушбу моделни етказиб бериш борасидаги шартномаларга аризаларни рўйхатга олиш 2017 йилнинг ноябрида тўхтатилган.
GM Uzbekistan АЖ дилерлик корхоналари билан биргаликда Chevrolet Orlando русумидаги автомобилларга тузилган шартномалар учун истеъмолчилар олдида ўзининг мажбуриятларини ўз вақтида бажарилишини ҳамда шартнома шартларида белгиланган муддатларда автомобилни тўлиқ етказиб берилишини таъминлайди.
Изоҳ (0)