Торонтода пиёдалар устига машина ҳайдаган шахснинг исми шарифи эълон қилинди. У 25 ёшли Алек Минассян бўлиб чиқди деб, «РИА Новости» маълумотига таяниб Sputnik хабар қилади.
23 апрель куни микроавтобус пиёдалар устига чиқиб кетиши оқибатида 10 киши қурбон бўлган, 16 киши жароҳатланган эди. Ушбу воқеа одам гавжум чорраҳада содир бўлган.
Ушбу жиноят атайлаб амалга оширилгани маълум бўлса-да, полиция ҳозирча буни теракт деб атагани йўқ. Жиноятчи воқеа жойидан ғойиб бўлган, лекин кейинчалик полиция томонидан қўлга олинган.
Келиб чиқиши МДҲ мамлакатларидан бири бўлган Минасяннинг фуқаролиги ҳам ҳозирча эълон қилингани йўқ. Фақат у Торонтода мактабни битиргани маълум. Ушбу жиноятни амалга ошириши сабаблари ҳам маълум эмас.
Изоҳ (0)