Тошкент шаҳрида Туркиянинг Kalekim Gallery декоратив қопламалар ҳамда сара бўёқлар ишлаб чиқарувчи расмий дўкони тантанали равишда очилди.
Очилиш маросимига ташриф буюрган меҳмонлар, даставвал, бренд бўйича тўлиқроқ маълумотга эга бўлиш учун компания фаолиятига бағишланган махсус видео-роликни томоша қилди. Шундан сўнг, Kale брендининг Туркиядан ташриф буюрган вакили, дўкон раҳбарияти, унинг қад ростлашида муносиб ҳисса қўшган дизайнерлар гуруҳи ҳамда маҳаллий ҳокимият вакиллари навбат билан сўзга чиқди.
Дўкон ассортиментидан ўрин олган янги қопламалар махсус планшетларда йиғилганларга бирин-кетин намойиш қилинди. Майин тасвир, ёрқин ва бежирим рангдаги қумсимон, барҳатли қопламалар, мармар билан безатилган декоратив гипс материаллар диққат марказида бўлди.
Kalekim Gallery экспорт бўйича минтақавий директори Сенджер Чакитли айни йўналишда пойтахтимизда очилган илк дўконлари ҳақида шундай фикрларни билдирди:
«Айни пайтда ватанимда қўшалоқ байрам ва дам олиш кунлари бўлишига қарамасдан, Тошкентда сизлар билан бирга эканлигимдан бахтиёрман. Айтишим керакки, ушбу янги дўкон биз шу вақтгача очган бошқа дўконларимизга қараганда анча чиройли. Брендимизни тарғиб қилишда Туркия ўнг, Ўзбекистон эса чап қўл каби якдиллик билан ишларимизни ривожлантиришимизга ишончим комил. Ушбу дўконимизга келган ҳеч бир харидор талабини қондирмасдан кетмайди. Масалан, неча хил бўёқ олсангиз ҳам, ундан яна минглаб тусларини чиқаришингиз мумкин. Биз уларга 5 йиллик кафолат берамиз. Нозик дид ва сифатли интерерни қадрлайдиган инсонлар бизнинг маҳсулотларимизни муносиб баҳолашлари тайин.»
«Мазкур дўконимизни очишимиздан асосий мақсад: юқори сифатли, чидамли ва чиройли маҳсулотларимиз билан ҳар бир хонадонга кириб бориш, ҳар бир оиланинг қувончига сабабчи ва шерик бўлиш, деб айта оламан. Бу ерга келган мижозларимиз, албатта, керакли буюмларини топишларига ишонаман. Қоплама ҳамда бўёқларимиз таркиби маҳаллий шароитимизда янгилик саналади. Уларнинг турли вариантлари бор. Харидор дўконга келиб ўзига ёққан рангларни танлаши, мутахассисларимиз билан маслаҳатлашиши мумкин», дейди Kalekim Gallery салони директори Ғайрат Каримов.
Таъкидлаш лозимки, турар-жойлар, офис, ички ва ташқи безатиш ишларида лозим бўлган барча турдаги рангли бўёқлар ва қопламалар билан бирга, мижозлар шу ернинг ўзида декоратив ишлар учун керак бўладиган асбоб-мосламаларни ҳам харид қилишлари мумкин. Бир сўз билан айтганда, пойтахтимиз аҳолиси сифатли ва юксак дидли декоратив услублардаги қоплама ҳамда бўёқларни энди қаердан қидириши маълум.
Маълумот ўрнида, Kalekim акциядорлик жамияти 1973 йилда Kale компаниялар гуруҳи асосчиси Иброҳим Бодур томонидан ташкил этилган бўлиб, кимёвий қурилиш материалларининг бир неча хил тармоқдаги турларини ишлаб чиқариб келмоқда.
Девор қопламалари ҳамда рангли бўёқлар тармоғида Каle бренди ўз йўналишида Туркияда кучли бешликдан мустаҳкам ўрин олган. Kalekim маҳсулотлари дунёнинг қайси бурчагида бўлишига қарамасдан, Европа стандартларига тўла жавоб берадиган мунтазам сифати билан ажралиб туради. Бугунги кундан Kalekim корхоналари Истамбул, Испарт, Мерсин ва Марказий Анатолий, Ёзгат каби ҳудудларда мавжуд.
Манзил: Тошкент шаҳри, Ғофур Ғулом кўчаси, 14/7.
Мўлжал: «Хадра» майдонидан «Ганга» дўконига юриш йўлида.
Сайт: http://kalekim.uz/
Телефон: +998 421-05-05
Реклама ҳуқуқи асосида!
Изоҳ (0)