Toshkent shahrida Turkiyaning Kalekim Gallery dekorativ qoplamalar hamda sara bo‘yoqlar ishlab chiqaruvchi rasmiy do‘koni tantanali ravishda ochildi.
Ochilish marosimiga tashrif buyurgan mehmonlar, dastavval, brend bo‘yicha to‘liqroq ma’lumotga ega bo‘lish uchun kompaniya faoliyatiga bag‘ishlangan maxsus video-rolikni tomosha qildi. Shundan so‘ng, Kale brendining Turkiyadan tashrif buyurgan vakili, do‘kon rahbariyati, uning qad rostlashida munosib hissa qo‘shgan dizaynerlar guruhi hamda mahalliy hokimiyat vakillari navbat bilan so‘zga chiqdi.
Do‘kon assortimentidan o‘rin olgan yangi qoplamalar maxsus planshetlarda yig‘ilganlarga birin-ketin namoyish qilindi. Mayin tasvir, yorqin va bejirim rangdagi qumsimon, barhatli qoplamalar, marmar bilan bezatilgan dekorativ gips materiallar diqqat markazida bo‘ldi.
Kalekim Gallery eksport bo‘yicha mintaqaviy direktori Sendjer Chakitli ayni yo‘nalishda poytaxtimizda ochilgan ilk do‘konlari haqida shunday fikrlarni bildirdi:
“Ayni paytda vatanimda qo‘shaloq bayram va dam olish kunlari bo‘lishiga qaramasdan, Toshkentda sizlar bilan birga ekanligimdan baxtiyorman. Aytishim kerakki, ushbu yangi do‘kon biz shu vaqtgacha ochgan boshqa do‘konlarimizga qaraganda ancha chiroyli. Brendimizni targ‘ib qilishda Turkiya o‘ng, O‘zbekiston esa chap qo‘l kabi yakdillik bilan ishlarimizni rivojlantirishimizga ishonchim komil. Ushbu do‘konimizga kelgan hech bir xaridor talabini qondirmasdan ketmaydi. Masalan, necha xil bo‘yoq olsangiz ham, undan yana minglab tuslarini chiqarishingiz mumkin. Biz ularga 5 yillik kafolat beramiz. Nozik did va sifatli intererni qadrlaydigan insonlar bizning mahsulotlarimizni munosib baholashlari tayin.”
“Mazkur do‘konimizni ochishimizdan asosiy maqsad: yuqori sifatli, chidamli va chiroyli mahsulotlarimiz bilan har bir xonadonga kirib borish, har bir oilaning quvonchiga sababchi va sherik bo‘lish, deb ayta olaman. Bu yerga kelgan mijozlarimiz, albatta, kerakli buyumlarini topishlariga ishonaman. Qoplama hamda bo‘yoqlarimiz tarkibi mahalliy sharoitimizda yangilik sanaladi. Ularning turli variantlari bor. Xaridor do‘konga kelib o‘ziga yoqqan ranglarni tanlashi, mutaxassislarimiz bilan maslahatlashishi mumkin”, deydi Kalekim Gallery saloni direktori G‘ayrat Karimov.
Ta’kidlash lozimki, turar-joylar, ofis, ichki va tashqi bezatish ishlarida lozim bo‘lgan barcha turdagi rangli bo‘yoqlar va qoplamalar bilan birga, mijozlar shu yerning o‘zida dekorativ ishlar uchun kerak bo‘ladigan asbob-moslamalarni ham xarid qilishlari mumkin. Bir so‘z bilan aytganda, poytaxtimiz aholisi sifatli va yuksak didli dekorativ uslublardagi qoplama hamda bo‘yoqlarni endi qayerdan qidirishi ma’lum.
Ma’lumot o‘rnida, Kalekim aksiyadorlik jamiyati 1973-yilda Kale kompaniyalar guruhi asoschisi Ibrohim Bodur tomonidan tashkil etilgan bo‘lib, kimyoviy qurilish materiallarining bir necha xil tarmoqdagi turlarini ishlab chiqarib kelmoqda.
Devor qoplamalari hamda rangli bo‘yoqlar tarmog‘ida Kale brendi o‘z yo‘nalishida Turkiyada kuchli beshlikdan mustahkam o‘rin olgan. Kalekim mahsulotlari dunyoning qaysi burchagida bo‘lishiga qaramasdan, Yevropa standartlariga to‘la javob beradigan muntazam sifati bilan ajralib turadi. Bugungi kundan Kalekim korxonalari Istambul, Ispart, Mersin va Markaziy Anatoliy Yozgat kabi hududlarda mavjud.
Manzil: Toshkent shahri, G‘ofur G‘ulom ko‘chasi, 14/7.
Mo‘ljal: “Xadra” maydonidan “Ganga” do‘koniga yurish yo‘lida.
Sayt: http://kalekim.uz/
Telefon: +998 421-05-05
Reklama huquqi asosida!
Izoh (0)