19—21 апрель кунлари Тошкентда бўлиб ўтган BankExpo 2018 банк хизмлатлари миллий кўргазмасида ташриф буюрувчиларга тўловларни амалга оширишда фойдаланиладиган уч турдаги янги пластик карталар намойиш этилди, деб хабар беради Sputnik.
Гап биринчидан, MasterCard, Visa ва GlobUz эгаларидан тўловларни қабул қилувчи ягона терминал ҳақида кетмоқда. У юқорида номи санаб ўтилган карталарнинг исталганидан харидларни амалга ошириш имконини беради.
Бундан ташқари тез орада Ўзбекистон банкларининг мижозлари мобил телефон ва махсус электрон қурилмалар — соат ёки узукларни ишлатиб, NFCнинг контактсиз тўлов тизимидан фойдаланган ҳолда товарлар ва хизматлар учун тўловларни амалга ошириш имкониятига эга бўладилар. Тўлов NFC-чипи ёрдамида амалга оширилади.
Меҳмонларга учинчи янгилик сифатида GlobUz терминалининг Фронтол ва Артикс касса ечимлари билан интеграция тизими намойиш этилди. Унинг ёрдамида мижозлар харидларни касса ходимисиз амалга ошириши — мустақил равишда пин-кодни териши ва маблағни киргизиши мумкин бўлади.
Изоҳ (0)