Давлат хизматлари марказларига ўтган ҳафтада салкам 70 000 та мурожаат келиб тушди

Давлат хизматлари маказлари томонидан жисмоний ва юридик шахсларга жами 69 918 та давлат хизматлари кўрсатилди, деб хабар беради Адлия вазирлигининг Telegram’даги «Ҳуқуқий ахборот» канали.

Энг талабгор хизмат барча турдаги хизматлардан эркин фойдаланишни таъминлайдиган электрон рақамли имзо сертификатини бериш хизмати бўлди. Ушбу хизматни кўрсатиш бўйича жами 31 480 та мурожаат келиб тушди.

Болаларни давлат мактабгача таълим муассасаларига қабул қилиш бўйича ариза бериш хизмати орқали жами 22 460 нафар болалар мактабгача таълим муассасига жойлаштирилди (ҳисобга олинди).

Давлат хизматлари марказлари томонидан кўрсатилган хизматларидан фойдаланган жисмоний ва юридик шахслар Фарғона (10 977), Самарқанд (7737), Наманган (6227) вилоятларида кўпчиликни ташкил этди. Энг кам кўрсаткич эса Сирдарё (1652 та) вилоятига тегишли.