Бепул Pepsi ва қўшимчасига iPhone 8. ЎФА Суперлиганинг 10-турида мухлисларни стадионда катта совғалар кутаётганини маълум қилди

Футбол бўйича Ўзбекистон Суперлигаси 10-турида стадионларда ҳақиқий футбол байрамлари ташкил этилади, деб хабар бермоқда ЎФА.

ЎФА хабарида қайд этилишича, жумладан, 10-турда ўйинлар бўлиб ўтадиган 6 та стадионнинг ҳар бирида учрашувни томоша қилиш учун келган мухлисларга Суперлига титул ҳомийси Pepsi компанияси томонидан бепул салқин ичимликлар тарқатилади. Шунингдек, ўйинлар олдидан стадионларда эстрада юлдузлари иштирокида қизиқарли шоу-дастурлар намойиш қилинади. 10-турдан ўрин олган беллашувлар якунига етач эса 6 та стадионнинг ҳар бирида ўзига хос лотерея ташкил қилинади. Лотереяда омади келган икки нафардан мухлисга iPhone 8 смартфони тақдим этилади.

Шунингдек, Ўзбекистон футбол ассоциацияси томонидан 10-турнинг ҳар бир ўйинига 2 мингтадан чипталар бепул мухлисларга тарқатилади, дейилади ЎФА хабарида. Суперлига 10-тур учрашувлари 4—6 май санасида бўлиб ўтади.