Испания кубоги 2017/18 йилги мавсумининг финал беллашуви якунига етди.
«Атлетико Мадрид»нинг уй стадиони Vanda Metropolitano’да «Барселона» «Севилья» билан баҳс олиб борди.
Ўйин «Барселона»нинг йирик ҳисобдаги ғалабаси билан якунланди.
Учрашувнинг 14-дақиқасида Луис Суарес ҳисобни очди. 31-дақиқага келиб Лео Месси фарқни 2 тага оширди. 40-дақиқада эса яна Луис Суарес гол киритиб, дублга эришди. Иккинчи бўлимнинг 7-дақиқасида «Барселона»ни ёзда тарк этадиган Андрес Иньеста ҳам гол киритишга муваффақ бўлди. Ўйиндаги сўнгги гол пенальтидан киртилди. Гол муаллифи Филиппе Коутиньо.
Шу тариқа «Барселона» Испания кубогини ўз тарихида 30 марта қўлга киритди. Бу Испанияда мутлақ рекорд ҳисобланади.
Испания кубоги
Финал беллашуви
21 апрель, шанба
«Севилья» – «Барселона» 0:5
Голлар: 0:1 – 14 Суарес, 0:2 – 31 Месси, 0:3 – 40 Суарес, 0:4 – 52 Иньеста, 0:5 – 69, пенальти Коутиньо.«Севилья»: Сория, Лангле, Меркадо, Эскудеро, Навас, Нзонзи, Банега, Васкес (Нолито, 86), Сарабия (Лайюн, 82), Корреа (Сандро Рамирес, 46), Муриэль.
«Барселона»: Силлессен, Умтити, Пике, Алба, Коутиньо (Дембеле, 82), Сержи Роберто, Ракитич, Бускетс (Паулиньо, 76), Иньеста (Денис Суарес, 88), Месси, Суарес.
Огоҳлантиришлар: Меркадо (34), Эскудеро (38), Иньеста (67), Бускетс (74), Васкес (74).
Изоҳ (0)