Бухоро вилоятининг Когон шаҳрида 2018 йил 14 апрель куни 1952 йилда туғилган А.Ўлжаев ИИБга мурожаат қилиб, унда шу йил 13 апрель соат 21:30 ларда номаълум шахслар давлат рақами аниқланмаган Lacetti русумли автомашинада унинг уйига келиб, ўзларини ДХХ махсус хизмати ходимлари деб таништириб, улардан бири хизмат гувоҳномасини кўрсатиб, унга нисбатан Тошкент шаҳрида жиноят иши қўзғатилганлиги ва тергов ҳаракатларини ўтказиш учун уни Тошкент шаҳрига олиб бориш кераклигини айтиб қўрқитиб, унга нисбатан тазйиқ ўтказмаслик ҳамда ишни ижобий томонга ҳал қилиб беришлик эвазига 1 миллион доллар беришлигини талаб қилганликлари, шундан сўнг А.Ўлжаевнинг уйи олдида номаълум шахслар ундан 500 минг долларни товламачилик йўли билан олиб, воқеа жойидан яширинганликлари маълум бўлган.
Ўзбекистон ИИВ Жамоатчилик ва оммавий ахборот воситалари билан алоқалар бошқармасидан маълум қилишларича, кўрилган чоралар натижасида ушбу жиноятни Бухоро вилояти Когон тумани Думлиён кўчасида яшовчи, муқаддам судланган, 1984 йилда туғилган Б.Қосимов, Самарқанд шаҳри Беруний кўчаси 46-уй 9-хонада яшовчи, муқаддам судланган, 1984 йилда туғилган П.Гулямов, шу кўча 144-уй 14-хонада яшовчи, 1984 йилда туғилган С. Маҳмудов, Самарқанд шаҳри Спитамен кўчаси 97-уйда яшовчи, 1977 йилда туғилган М.Юсупов ва Самарқанд шаҳри Ҳ.Бойқаро кўчаси 53-уйда яшовчи, 1984 йилда туғилган А.Мамедов содир этганликлари аниқланиб, Б.Қосимов ва П.Гулямов ушланган, С.Маҳмудов, М.Юсупов ва А.Мамедов Россиянинг Қозон (Tataристон) шаҳрида қўлга олинган.
Изоҳ (0)