Тошкент вилоятининг Бўстонлиқ тумани Сижжак маҳалласида яшовчи Б.Норметов ИИБга мурожаат қилиб, 17 апрель куни соат 10:00 атрофида Matiz русумли машинасини маҳалладаги Наволисой кўчасидан бетон тўсиққа урилган ҳолда топганлигини маълум қилди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Олиб борилган суриштирув ишлари натижасида 17 апрелга ўтар кечаси Б.Норметовнинг қариндоши — Сижжак маҳалласида яшовчи, 1998 йилда туғилган Н.Алимбоев уйи олдида жойлашган гараждан Норметовга тегишли машинани ҳайдаб қочиб, бетон тўсиққа ургани аниқланди.
У автомобилни шу ерда ташлаб, ўзи воқеа жойидан яширинади. Кўрилган чоралар натижасида Н.Алимбоев ушланди.
Изоҳ (0)