Ҳиндистонда фил боласи бир неча соат давомида вафот этган онасидан узоқлашишни рад этди. Қутқарувчилар қўшимча куч ёрдамида фил боласини онасининг ёнидан олишга муваффақ бўлган. Бу ҳақда Daily Mail хабар берди.
Ҳодиса мамлакат шимолидаги Ражажи миллий боғида юз берган. Ўрмончилар фил боласини онасининг танаси ёнида топган; фил боласи онасини туртиб, ҳатто устига ўтириб, уни жонлантиришга уринган. Миллий боғ ходимларининг тахмин қилишича, 40 ёшли она фил тепаликдан йиқилиб, бўйни синиб, ўлган.
Боғ директорининг айтишича, фил боласи у ердан кетишдан бош тортган. Кейин эса бошқа филларни ёрдамга чақиришга тўғри келган. Ёрдамга келган иккита фил ёш филчани олиб кетган ва кейин у юк машинасига ортилган.
Шундан сўнг филча мутахассислар қарови учун филлар лагерига олиб кетилган. Филчани қутқарган филлардан бири уни бола қилиб олган, филча ҳам унга аллақачон ўрганиб қолган.
Изоҳ (0)