Аргентинанинг Пилар шаҳрида жойлашган полиция омборхонасидан 540 килограмм марихуана йўқолди. Маҳаллий полициячилар судда марихуанани «сичқонлар еб қўйганини» маълум қилди. Бу ҳақда TJournal хабар берди.
Пилардаги омборхонада сўнгги икки йилда олти тонна марихуана сақланган. Гиёҳванд моддаларнинг йўқолганини маҳаллий полициянинг янги раҳбари пайқаб қолган. Янги раҳбар бу ҳақда ички текширув бўлимига хабар қилган, бўлим ходимлари ярим тоннадан кўпроқ гиёҳванд модда йўқолганини аниқлаган.
Буэнос-Айрес университети экспертларининг фикрича, сичқонлар марихуанани овқат сифатида қабул қила олмаган бўларди ва уни истеъмол қилган тақдирда, ўлган бўларди. Омборхона атрофида ўлик сичқонлар топилмаган.
Полиция саккиз нафар ходимни ишдан бўшатган ва дарҳол уларни тергов учун ҳибсга олган. 4 май куни улар суд олдида кўрсатма беради.
Изоҳ (0)